Grunnstoðir gervigreindarinnar
ATH - þessi síða hefur verið sameinuð síðunni um Gervigreind og er þar í nýrri og betri mynd.
Þótt gervigreind sé nýtt fag þá eru ýmsar hugmyndar innan þess margþúsund ára gamlar og byggja á öðrum fræðigreinum.
Efnisyfirlit |
[breyta] Heimspeki
Síðan um 482 f.k. hafa menn reynt að spyrja sig hvað hugsun sé, hvað sálin sé, hvaðan þekking komi, hvernig hún sé nýtt og þar fram eftir götunum. Menn hafa lengi viljað vita hvað það sé sem greinir okkur frá dýrunum, hvar gerist það að við hættum bara að hugsa um næsta mat og förum að hugsa um tilfinningar okkar? Þegar Pascal bjó til reiknivél sína, árið 1642, þá sagði hann að ,,vélin framkvæmir aðgerðir sem virðast vera nær hugsun en allar aðgerðir dýra”. Menn hafa einnig skipst eftir því hvort hugurinn sé eitthvað ónáttúrulegt, sem er hafið yfir náttúrulögmál, eða hvort hann sé bara eins og hvert annað líffæri.
[breyta] Stærðfræði
Eins og tölvunarfræði er margt innan gervigreindarinnar táknanlegt með stærðfræði. Úr stærðfræði koma algóritmarnir sem eru grunnur allra forrita. Einnig er þaðan komin útreikningur á reiknitíma vandamála. Að lokum má nefna líkindareikning sem er mikilvægur hluti gervigreindar.
[breyta] Hagfræði
Úr hagfræði koma hugmyndir um hvaða aðgerðum er hægt að græða mest á og hvernig eigi að framkvæma m.v. aðgerðir annarra.
[breyta] Taugafræði
Rannsóknir á líffræðilegri starfsemi heilans hefur haft áhrif á rannsóknir í gervigreind.
[breyta] Sálfræði
Sálfræði reynir að svara spurningum um hvernig menn og dýr hugsa og framkvæma. Þessi fræði hafa haft mikil áhrif á þróun gervigreindar, þá sérstaklega í byrjun og í skilvitlegum vísindum.
[breyta] Tölvuverkfræði
Það hvernig tölvurnar sjálfar eru gerðar hefur haft gífurleg áhrif á þróun gervigreindar þar sem allar tilraunir sem gerðar eru bundnar við það hvernig arkitektúr er keyrt á. Sömuleiðis hafði tilkoma tölva einnig gífurleg áhrif á það hvernig við rannsökuðum mannshugann. Áður var virkni heilans og hugans mest líkt við gufuvélar (t.d. lestar) og aðrar takmarkaðar vélar.
[breyta] Stýrifræði
Stýrifræði(e. Control Theory) gengur út á að minnka villur og taka réttar ákvarðanir út frá því markmiði. Stýrifræði er nátengd gervigreind en er meira í skorðum og er tengdari við stærðfræði.
[breyta] Málvísindi
Málvísindi hafa haft áhrif á gervigreind í gegnum “málþekkingu”.
